Uncategorized

Naseehat

Haasid hain yahhan log, qadmon ko sahi rakhna

Iradey wasi aur lafzon main kami rakhna…..

Kirdaar  tumhain dega udaanein bohut oonchi

Onchayiyon kitni bhi hon, hathon main zameen rakhna…..

Kamzarfiyon pe hasne ka hai aaj kal chalan

Mushkil to hai zaroor par aankhon main nami rakhna…..

Jis raastey pe qadmon ka koi na ho nishaan

Ghabraana nahi bilkul bas paaon wahein rakhna…..

Aur benaam shayaron ka jahaan dher laga ho

Mera kalaam bhi wahein upar kahein rakhna…..

 

Advertisements
Standard